ОБУКИ ЗА ПОЛЕСНО ВРАБОТУВАЊЕ НА РОМКИ
Здружението ХЕРА, преку ЕУ проектот: Зајакнување на Ромките, преку создавање на социјално претпријатие, отвора можности за бесплатни обуки и кариерно советување.
Во првата фаза нудиме 4 еднодневни ОБУКИ ЗА ПОЛЕСНО ВРАБОТУВАЊЕ НА РОМКИ.
Преку обуките 80 Ромки ќе се стекнат со практични вештини: како да подготват биографија и писмо за мотивација, како да пристапат кон работодавач, каде да бараат работа и кои професии и области се соодветни на нивното образование, искуство и мотив за работа.
ОБУКИТЕ ЗА ПОЛЕСНО ВРАБОТУВАЊЕ ЗА 80 РОМКИ ќе се одржат во период од 8 до 11 МАЈ 2017 година во Скопје, со почеток од 10:00 часот. Локација: НВО Центар, Младински културен центар – МКЦ, I кат, бр.12, ул. Кеј Димитар Влахов, Скопје.
Во втората фаза, по завршувањето на обуките, за најмотивираните Ромки нудиме можности за четворомесечна бесплатна едукација во областа на палијативна нега во домашни услови. 20 Ромки ќе се стекнат со валиден сертификат за грижа и нега на стари и изнемоштени лица во домашни услови.
Критериуми за пријавување / Општ профил на учесници:
- невработени Ромки,
- да се мотивирани и подготвени да ги унапредат своите знаења и вештини во грижа и нега за стари и изнемоштени лица во домашни услови,
- да се на возраст меѓу 18 и 50 години,
- да се во можност да присуствуваат во текот на целата обука;
СИТЕ РОМКИ КОИ СЕ ЗАИНТЕРЕСИРАНИ И ГИ ИСПОЛНУВААТ КРИТЕРИУМИТЕ МОЖЕ ДА СЕ ПРИЈАВАТ ЗА ОБУКИТЕ кај
Драгана Каровска Чемерска
или на тел. +38923290395