Обука за стручно оспособување на Ромки
Здружението ХЕРА–Асоцијација за здравствена едукација и истражување започна со спроведување на проект финансиран од ЕУ: Зајакнување на Ромките, преку создавање на социјално претпријатие.
За таа цел ХЕРА ќе организира 4 еднодневни ОБУКИ ЗА СТРУЧНО ОСПОСОБУВАЊЕ НА 80 РОМКИ. Преку проектот ќе се обучат 80 Ромки што ќе се стекнат со вештини за полесно вработување. Обуките ќе се одржат во Скопје и ќе ги води странски обучувач од Франција заедно со наш локален експерт. Обуките се бесплатни, траат еден ден, а на една обука ќе присуствуваат по 20 Ромки. Трошоците за храна, превоз и сместување за време на обуката се покриени од страна на организаторот.
После обуките најмотивираните жени Ромки ќе имаат можност да ги надградат своите знаења со стекнување вештини за нега и грижа на стари лица. За таа цел Х.Е.Р.А. ќе организира ОБУКА ЗА ГРИЖА И НЕГА НА СТАРИ И ИЗНЕМОШТЕНИ ЛИЦА ВО ДОМАШНИ УСЛОВИ ЗА 20 РОМКИ.
Обуката е со времетраење од 4 месеци а ќе ја спроведе Здружението за унапредување на условите за грижа и сместување на стари и изнемоштени лица „Хуманост“ во Скопје. Трошоците за школарина, храна и превоз за време на обуката се покриени од страна на организаторот.
После обуките Ромките ќе добијат СЕРТИФИКАТ ЗА ЗАВРШЕНА ОБУКА за негувателки оспособeни за давање професионална нега на стари лица во домашни услови.
Критериуми за пријавување / Општ профил на учесници:
- невработени жени Ромки кои активно бараат работа,
- да се мотивирани и подготвени да ги унапредат своите знаења и вештини во палијативен третман за стари лица во домашни услови,
- да се на возраст меѓу 18 и 50 години,
- да се во можност да присуствуваат во текот на целата обука;
СИТЕ РОМКИ КОИ СЕ ЗАИНТЕРЕСИРАНИ И ГИ ИСПОЛНУВААТ КРИТЕРИУМИТЕ МОЖЕ ДА СЕ ИНФОРМИРААТ ЗА ОБУКИТЕ
во
ХЕРА – Асоцијација за здравствена едукација и истражување
Драгана Каровска Чемерска Проект координаторка
dragana.karovska@hera.org.mk; тел. +38923290395